Udha e zogjve 2015

NË SY LULESH FLE MËNGJESI

Qielli zbret ngarkuar me qengja blu.

Nata pati shumë lindje 
në çdo buzë të lindur vuri nga një yll.
Njerzimi si fëmijë
zgjat duart.

Diku, në një koncept të çmendur largësie
Ti, si një pemë e kuqe kërkon blegërimën tonë.

Primitiv në dashurinë e skajshme
pema na shndërrohet në dre.

Është e pashmangshme frika e gjahut
dhe pse mbi ne mengjesi zbret më shumë yje.

Tej, pylli na urdhëron t’i kthejmë pemën ku vetvaren gjygjsitë.

Mëngjesi dehet, e zë gjumi nëpër sy lulesh.

Udha e zogjve 2015